Alvarlegar aukaverkanir lyfja skal tilkynna lækni eða Vistor á póstfangi safety@vistor.is eða í síma 535-7000. Eftir lokun skal hafa samband við öryggisþjónustufyrirtæki okkar í síma 460-6261, vegna tilkynninga um alvarlegar aukaverkanir eða innkallanir sem framkvæma þarf tafarlaust.

Þar sem Ísland er aðildarríki að Evrópska efnahagssvæðinu EES förum við eftir tilskipun 2001/83/EB og reglugerð726/2004/EB. Við fylgjum leiðbeiningum og verklagsreglum í útgáfu 9 af Eudralex og vinnureglum markaðsleyfishafa og Vistor hf. Lyfjagátarteymi Vistor samanstendur af tveimur lyfjagátarfulltrúum og skráningafulltrúa hvers markaðsleyfishafa fyrir sig.
Lyfjagátarfulltrúar bera ábyrgð á:

• svörun neyðarsíma utan skrifstofutíma
• að fylgjast með vefsíðu Lyfjastofnunar með tilliti til lyfjagátar
• þjálfun starfsfólks Vistor í stöðluðum verklagsreglum varðandi öflun upplýsinga um aukaverkanir og tilkynningu þeirra
• rýni Læknablaðsins með tilliti til aukaverkana
• að senda aukaverkanatilkynningar sem berast Vistor til markaðsleyfishafa og Lyfjastofnunar
• þýðingu frumheimilda
• að leita eftir frekari upplýsingum um aukaverkanir
• varðveislu frumgagna
• Lyfjagátarfulltrúar Vistor eru Álfrún Óskarsdóttir og Birna Vigdís Sigurðardóttir