Vistor hf. er leiðandi fyrirtæki á sviði markaðssetningar á lyfjum, heilsuvörum, dýraheilbrigðisvörum, vörum fyrir heilbrigðisþjónustu og rannsóknarstofur á Íslandi.

Vistor er samstarfsaðili fjölmargra alþjóðlegra lyfja- og heilbrigðistæknifyrirtækja og veitir þeim þjónustu í sölu- og markaðsmálum, auk þess að hafa milligöngu um innflutnings- og dreifingarstarfsemi. Með því að leggja áherslu á skilvirka og hnitmiðaða starfsemi og skapa starfsumhverfi sem laðar að hæfa einstaklinga til starfa gerir Vistor samstarfsaðilum sínum kleift að ná settum markmiðum. Ennfremur er kaupendum og neytendum varanna tryggt auðvelt og áreiðanlegt aðgengi.

Markmið Vistor er að vera ákjósanlegasti samstarfsaðilinn á íslenska heilbrigðisvöru- og lyfjamarkaðinum, í huga viðskiptavina, birgja, starfsmanna og samfélagsins.

Starfsemi Vistor skiptist í eftirfarandi meginsvið:

• Heilbrigðistæknisvið
• Lyfjasvið
• Lausasölusvið
• Dýraheilbrigði     

Í júní 2010 voru starfsmenn Vistor um 69 talsins.
   
Markaðshlutdeild Vistor á lyfjamarkaði árið 2009 var 47,6%. Sala lyfja er um 90% af veltu fyrirtækisins en sala á öðrum vörum hefur verið í stöðugum vexti á undanförnum árum. Velta Vistor árið 2009 var um 10 milljarðar króna.
 
Starfsfólk Vistor leitast ávallt við að hafa hreinskiptni, framsækni og áreiðanleika að leiðarljósi í störfum sínum.